"Манчестер Юнайтед" ҳали ҳам "Интер" билан дарвозабон Андре Онананинг трансфери борасида келиша олмаяпти.
Mail Sport хабарига кўра, "қизил иблислар" камерунлик футболчи учун максимал 50 миллион евро таклиф қилишга тайёр, "нерадзуррилар" эса 60 миллионни талаб қилмоқда.
Онана "Манчестер Юнайтед" бош мураббийи Эрик тен Хаг учун асосий мақсад ҳисобланади. 27 ёшли Андре "Манчестер Юнайтед"га ўзининг собиқ устози олдига ўтишга тайёр.
Аввалроқ, "Челси" Онанага даъво қилган эди, аммо Лондон клуби аллақачон курашдан чиқиб кетган.