"Manchester Yunayted" hali ham "Inter" bilan darvozabon Andre Onananing transferi borasida kelisha olmayapti.

Mail Sport xabariga ko‘ra, "qizil iblislar" kamerunlik futbolchi uchun maksimal 50 million yevro taklif qilishga tayyor, "neradzurrilar" esa 60 millionni talab qilmoqda.

Onana "Manchester Yunayted" bosh murabbiyi Erik ten Xag uchun asosiy maqsad hisoblanadi. 27 yoshli Andre "Manchester Yunayted"ga o‘zining sobiq ustozi oldiga o‘tishga tayyor.

Avvalroq, "Chelsi" Onanaga da’vo qilgan edi, ammo London klubi allaqachon kurashdan chiqib ketgan.