“Бавария” ҳужумчиси Садио Мане аввалроқ Мюнхен клубида қолишни истаган, бироқ раҳбарият унга кетиш истагини билдирган. BILD хабарига кўра, шу сабабли сенегаллик фаолиятини давом эттириш учун бошқа вариантларни кўриб чиқишга киришган.
Маненинг "Бавария"даги биринчи мавсуми ҳар томонлама омадсиз ўтди. Футболчи жароҳати туфайли узоқ вақтни ўтказиб юборди, Бундеслигада бор-йўғи 7 та гол ва 5 та голли узатмани амалга оширди, бундан ташқари, у тартиб-интизом билан боғлиқ муаммоларга дуч келди. Бунга ёрқин мисол сифатида кийиниш хонасида жамоадоши Лерой Сане билан бўлган жанжални келтириш мумкин, бу вақтда Мане шеригининг юзига зарба берган.
Аввалроқ Мане Англия Премьер-лигада "Саутгемптон" ва "Ливерпуль" каби клублар таркибида ўйнаган. Футболчига ҳозирда Саудия Арабистони жамоалари қизиқиш билдирмоқда.
