“Bavariya” hujumchisi Sadio Mane avvalroq Myunxen klubida qolishni istagan, biroq rahbariyat unga ketish istagini bildirgan. BILD xabariga ko‘ra, shu sababli senegallik faoliyatini davom ettirish uchun boshqa variantlarni ko‘rib chiqishga kirishgan.

Manening "Bavariya"dagi birinchi mavsumi har tomonlama omadsiz o‘tdi. Futbolchi jarohati tufayli uzoq vaqtni o‘tkazib yubordi, Bundesligada bor-yo‘g‘i 7 ta gol va 5 ta golli uzatmani amalga oshirdi, bundan tashqari, u tartib-intizom bilan bog‘liq muammolarga duch keldi. Bunga yorqin misol sifatida kiyinish xonasida jamoadoshi Leroy Sane bilan bo‘lgan janjalni keltirish mumkin, bu vaqtda Mane sherigining yuziga zarba bergan.

Avvalroq Mane Angliya Premyer-ligada "Sautgempton" va "Liverpul" kabi klublar tarkibida o‘ynagan. Futbolchiga hozirda Saudiya Arabistoni jamoalari qiziqish bildirmoqda.