"Ювентус" яримҳимоячиси Пол Погба Саудия Арабистонига ўтишдан бош тортди, дея хабар беради инсайдер Николо Шкира.
Аввалроқ “Ал-Иттиҳод” 30 ёшли франциялик футболчига 100 миллион евро ишлаб олиши мумкин бўлган 3 йиллик шартнома таклиф қилгани, бироқ Погба бу таклифни рад этгани хабар қилинганди.
Погба ўтган ёзда "Ювентус"га қайтган эди. Жароҳатлари туфайли у 2022/23 йилги мавсумда жамоа сафида 10 та ўйин ўтказиб, битта голли узатмани амалга оширган.