Бразилиялик журналист Раиса Симпличионинг хабар беришича, Саудия Арабистонининг "Ал-Ҳилол" клуби ҳужумчи Малкомнинг трансфери борасида "Зенит" билан боғланган.
Манбага кўра, "Зенит" Саудия клубидан 26 ёшли ҳужумчи учун 50 миллион евро талаб қилган. "Ал-Ҳилол" ҳозирда "кўк-оқлар"нинг сўровларини баҳоламоқда ва музокарага киришиш бўйича қарор қабул қилишга тайёрланмоқда.
Малком "Зенит"да 2019 йилдан бери ўйнаб келмоқда. Ўтган мавсумда бразилиялик РПЛнинг энг яхши тўпурари бўлди.
Малкомнинг жамоа билан шартномаси 2027 йилнинг ёзига қадар тузилган. Тransfermarkt портали унинг нархини 30 миллион еврога баҳоламоқда.