"Нефтчи" билан учрашувдан кейинги уч кунлик қисқа таътилдан кейин қаршилик футболчилар кеча Тошкентда тўпланишди.
Айни пайтда жамоамиз тўлиқ таркибда машғулотларни олиб бормоқда. Жароҳати туфайли охирги ўйинларда майдонга туша олмаган ярим ҳимоячи Эркин Бойдуллаев, ҳимоячи Алишер Юсупов ҳам тўлиқ куч билан ҳаракат қилишмоқда.
Бир ҳафталик йиғин давомида қаршилик футболчилар иккита назорат учрашувида майдонга тушишади. 4 ноябрь куни футболчиларимиз Олмалиқда "Олмалиқ" жамоаси билан куч синашишса, 7 ноябрь куни Чирчиқда "Металлург" билан беллашишади. Жамоамизнинг Тошкентдаги йиғини 8 ноябрь куни якунига етади. Сўнгра, икки кунлик таътилдан кейин 11 ноябрдан бошлаб жамоа аъзолари Қаршида тўпланишади ва чемпионатнинг навбатдаги учрашувига ҳозирлик кўришади.
"Насаф" 25-тур учрашувини Қаршида 17 ноябрь куни "Локомотив" жамоасига қарши ўтказади. Ўйин соат 14:00да бошланади.
