"Ювентус"нинг чап қанот ҳимоячиси Алекс Сандро сотувга қўйилмайди.
Турин клуби таркибни тозаламоқда ва тўрт нафар футболчи аллақачон режалардан четда қолган - Леонардо Бонуччи, Вестон Маккенни, Артур Мело ва Денис Закария. Журналист Никола Балиснинг сўзларига кўра, бразилиялик футболчи билан яқин орада ажралиши ҳақида кўплаб миш-мишларга қарамай, Алекс Сандрони жамоадан кетказиш режаси йўқ. 32 ёшли футболчи ҳимояда бир нечта позицияларни ёпишга қодир, бу "Ювентус"да жуда қадрланади.
Алекс Сандронинг шартномаси келаси йилнинг ёзида тугайди. Футболчи 2015 йилнинг августидан бери Бянконери рангларини ҳимоя қилиб келмоқда.
