Норвегия терма жамоаси ва "Манчестер Сити" клуби марказий ҳужумчиси Эрлинг Холанд FC24 футбол симулятори муқовасида ўзининг сурати бўлиши ҳақида фикр билдирди.
“Ҳар бир футболчи буни орзу қилади. Мен EA Sports симуляторининг янги даврининг биринчи мавсумининг юзи бўлганимдан жуда фахрланаман”, — деб скандинавиялик тўпурар ижтимоий тармоқларда хабар қолдирди.
Қайд этиш жоизки, FC24 худди шундай ном остида чиқарилган EA Sports футбол симуляторининг биринчи қисмидир. Илгари ушбу видео ўйинлар серияси FIFA деб номланган.
Холанд ўтган мавсумда Премьер-лиганинг энг яхши тўпурари бўлганди. Норвегиялик "шаҳарликлар" билан биргаликда Англия чемпионлиги, Чемпионлар лигаси ва мамлакат кубогини қўлга киритди.
