"Валенсия" ҳужумчиси Эдинсон Каванининг вакили Уолтер Гульельмоне Буэнос-Айресга қисқа сафар уюштирди ва у ерда "Бока Хуниорс" раҳбарияти билан учрашди, деб ёзди журналист Себас Жованелли твиттерда.
Манбанинг хабарига кўра, 36 ёшли уругвайлик футболчининг Аргентина клубига трансферини якунлаш учун бази тафсилотларни ҳал қилишгина қолади.
Аввалроқ, "Бока Хуниорс" Кавани билан 1 ёки 2 йиллик шартномани муҳокама қилаётгани маълум бўлганди.
Кавани ўтган мавсумда барча турнирларда 28 та ўйинда майдонга тушиб, 7 та гол урди ва 2 та голли узатмани амалга оширди.