Туриннинг "Ювентус" клуби ҳужумчиси Мойзе Кин АҚШдаги ўртоқлик турнири клуб учун муҳим эканини, унинг жамоаси Испания грандлари "Барселона" ва "Реал" ҳамда "Милан" билан ўйнашини айтди. Биринчи ўйин йигирма учинчи июль куни бўлиб ўтади, ўша куни "Ювентус" "Барселона" билан ўйнайди.
- Бу муҳим турнир, чунки биз мавсумни яхши бошламоқчимиз. Биз "Ювентус"миз ва бизда ғалаба қозониш менталитети бор. "Барселона"га қарши ўйин яхши синов бўлади. Ўйлайманки, биз бундай турнирга таклифга лойиқмиз", - дея Мойзе Киннинг сўзларидан иқтибос келтиради Италиянинг ITASportPress ахборот агентлиги.
"Ювентус" ўтган мавсумни А Серияда бешинчи ўринда якунлаганди.
