Франция терма жамоаси ва “Ювентус”нинг собиқ ҳужумчиси Давид Трезеге аргентиналик ҳужумчи Лионель Мессининг “ПСЖ”ни тарк этганига муносабат билдирди. 36 ёшли футболчи Парижни меҳнат шартномаси муддати тугагани сабабли тарк этди.
“Францияда истеъдодлар ҳеч қачон қадрланмаган. Ишончим комилки, французлар Лионелнинг "ПСЖ"дан кетганидан аллақачон афсусда. Мамлакат мақом ва имидж жиҳатидан Лигани янги даражага олиб чиққан инсонни йўқотди. Бу чемпионатга бу тоифадаги ўйинчилар камдан-кам ҳолларда келишади", - деди Трезеге ESPN'га.
Эслатиб ўтамиз, Месси 2021 йилдан 2023 йилгача парижликлар сафида тўп тепган. Июнь ойида ҳужумчи фаолиятини МЛСда давом эттириши маълум бўлганди. Леонинг янги клуби Американинг "Интер Майами"си бўлди.
