"Ливерпуль" ва "Ал-Иттифоқ" клублари Жордан Хендерсоннинг трансфери шартлари бўйича келиша олмаяпти.
Саудия Арабистони клубига яқинда бош мураббий этиб тайинланган Стивен Жеррард жамоаси Хендерсонга йилига 40 миллион евродан кўпроқ маош тўлашга тайёр, бироқ "Ливерпуль" ҳалигача бу трансферга рози бўлмаган. Журналист Доминик Кингнинг сўзларига кўра, келишув барбод бўлиш арафасида, чунки “Ал-Иттифоқ” инглиз гигантининг талабларини қондиришга яқин эмас. Олдинроқ "Ливерпуль" ўз сардори учун тахминан 23 миллион евро талаб қилаётгани хабар қилинганди.
Жордан Хендерсон “қизиллар” сафида 2011 йилдан буён тўп тепади. 33 ёшли ярим ҳимоячининг амалдаги шартномаси 2024/25 йилги мавсум якунига қадар мўлжалланган.
