Инсайдер Фабрицио Романонинг сўзларига кўра, "Фиорентина" "Ювентус" ярим ҳимоячиси Артур Мелони 2024 йилнинг ёзига қадар ижарага олмоқчи.

Унга кўра, шартномада сотиб олиш шарти кўзда тутилган. Бундан ташқари, Турин клуби футболчининг маошидаги маълум миқдорни тўлайди.

Олдинроқ Турин клуби 26 ёшли бразилиялик билан шартномани бекор қилиши мумкинлиги ҳақида хабар берилганди. Ярим ҳимоячига "Вулвз" қизиқиш билдираётгани ҳақида ҳам маълумотлар бор эди.

2022/23 йилги мавсумда Артур "Ливерпул"да ижара асосида ўйнади, бироқ жароҳатлар туфайли ярим ҳимоячи мерсисайдликлар сафида фақат битта ўйин ўтказди.