"Вест Хэм" бош мураббийи Дэвид Мойес ярим ҳимоячи Деклан Райснинг жамоадан кетиши ҳақида фикр билдирди.
15 июль куни "болғачилар" 24 ёшли англияликнинг Англия футболи учун рекорд суммага сотилишини тасдиқлади.
"Мен Декланга "Вест Хэм" манфаати йўлида қилган барча ишлари учун шахсан миннатдорчилик билдирмоқчиман.
Биз билан узоқ вақт бирга бўлган футболчи билан хайрлашиш жуда ачинарли, лекин биз давом этишимиз керак.
"Вест Хэм" - катта клуб ва тарих шуни кўрсатадики, клубдан каттароқ ўйинчи йўқ. Биз бор эътиборимизни ўтган мавсумда эришган муваффақиятимизни мустаҳкамлашга қаратганмиз.
Шунингдек, ёш иқтидорларни ривожлантиришда давом этаман", - дея Мойеснинг сўзларини келтирмоқда клуб матбуот хизмати.
