"Челси" ҳужумчиси Ромелу Лукаку энди Туриннинг "Ювентус" клубига ўтишни истамоқда. Журналист Низар Кинселланинг ёзишича, Миланнинг “Интер” клуби буни англаб етган ва бельгиялик учун курашдан воз кечишга қарор қилган.
Аввалроқ, "Ювентус" ушбу трансфер ойнасида туринликлар жамоасини тарк этиш ниятида бўлган Душан Влахович ўрнига Лукакуни сотиб олмоқчилиги маълум бўлганди.
Эслатиб ўтамиз, А Серияда Лукаку бунгача фақат "Интер"да ўйнаган. Бельгиялик футболчи ўтган мавсумни “нерадзуррилар” сафида ижара асосида ўтказган.