"Арсенал"нинг янги футболчиси Деклан Райс "канонирлар" мухлисларига жамоа унинг "Вест Хэм"дан трансферини амалга ошираётган пайтда қўллаб-қувватлаганликлари учун миннатдорчилик билдирди.
"Мен "Арсенал" мухлисларига барча қўллаб-қувватлашлари учун миннатдорчилик билдирмоқчиман. Охирги ой давомида матбуотда жуда кўп тахминлар бўлди, лекин футболчи сифатида сиз доимо шундай нарсалар билан шуғулланишингиз керак. Бугун мен биринчи кунимни шу ерда ўтказдим, лекин ўзимни аллақачон уйдагидек ҳис қиляпман”, деди Райс “Арсенал” расмий сайтига берган интервьюсида.
Эслатиб ўтамиз, Райс "канонирлар"га 122 миллион еврога тушди ва бу ярим ҳимоячини Англия Премьер-лигаси тарихидаги энг қиммат трансферга айлантирди.
