Сербиялик футболчи Душан Тадич сўнгги йилларда сардор бўлиб келган жамоаси "Аякс"ни тарк этди.
Шу билан бирга, у шартномаси бўйича камида яна бир йил ўйнаши керак эди, бироқ шартномани бекор қилиш илтимоси билан клуб раҳбариятига мурожаат қилди. "Аякс" раҳбарлари буни тўғри кутиб олди.
"Бу қарорни қабул қилиш мен учун қийин бўлди. Аммо мен буни ҳозир қилиш керак, деб ўйлайман, тўғри вақт келди ва нафақат мен учун, балки клуб учун.
"Аякс" билан биз фаолиятим давомида мисли кўрилмаган муваффақиятларга эришдик. Мен абадий "Аякс" футболчиси бўлиб қоламан ва Амстердамга, балки мураббий сифатида қайтишга умид қиламан", - дея Тадичнинг сўзларини келтирмоқда Италиянинг ITASportPress агентлиги.
