"Барселона" ҳужумчиси Рафинья Диас Саудиянинг "Ал-Ҳилол" клубига ўтиши мумкин.

Mundo Deportivo нашрига маълум бўлишича, ушбу трансферга "Барселона" ҳам, бразилиялик футболчининг ўзи ҳам қизиқиш билдирмоқда. Аммо, манбанинг хабарига кўра, Каталония клуби ҳозирча "Ал-Ҳилол"дан расмий таклиф олмаган.

Қайд этилишича, Рафиньянинг “Барселона” билан шартномасида товон пули 1 миллиард еврони ташкил этади.

26 ёшли вингер ўтган мавсумда барча турнирларда 50та ўйинда майдонга тушиб, 10та гол ва 12та голли узатмани амалга оширган. Рафинья ва клуб ўртасидаги амалдаги келишув 2027 йилгача мўлжалланган.