Шанба куни Бременнинг “Вердер” клуби янги мавсумга тайёргарлик доирасида “Олденбург”га қарши ўртоқлик ўйини ўтказди. Ярим ҳимоячи Наби Кейта Бременликлар сафида асосий таркибда майдонга тушиши керак эди. Бироқ, кичик жароҳати боис, гвинеялик футболчи ўйинга тушмасидан аввал алмаштирилди. Бу ҳақда “мусиқачилар” матбуот хизмати хабар берди.
Эслатиб ўтамиз, “Вердер” шу ёзда эркин агент сифатида Наби Кейта билан шартнома имзолаган эди. Гвинеялик футболчи аввалги беш мавсумни “Ливерпуль”да ўтказган.
Германия чемпионатининг биринчи турида “Вердер” ўз майдонида “Бавария”ни қабул қилади. Ўйин 18 август, жума куни бўлиб ўтади.
