Бразилиялик марказий ҳимоячи Игор Жулио Италиянинг “Фиорентина”сидан Англиянинг “Брайтон” клубига ўтишга яқин турибди. Бу ҳақда FirenzeViola хабар бермоқда.
Қайд этилишича, футболчи “чағалайлар” билан келишувга яқин турибди, ҳар икки клуб ҳам трансфер устида ишламоқда. Жараён яқин 48 соат ичида якунланиши кутилмоқда.
"Фиорентина" бразилиялик спортчини сотишдан 15 миллиондан 17 миллион еврогача даромад олиши мумкин.
Эслатиб ўтамиз, "Брайтон" ўтган мавсумда Англия Премьер-лигаси турнир жадвалида олтинчи ўринни эгаллашга муваффақ бўлганди. "Фиорентина" эса ўз навбатида Италия чемпионати жадвалида саккизинчи ўринни эгаллади.