Braziliyalik markaziy himoyachi Igor Julio Italiyaning “Fiorentina”sidan Angliyaning “Brayton” klubiga o‘tishga yaqin turibdi. Bu haqda FirenzeViola xabar bermoqda.

Qayd etilishicha, futbolchi “chag‘alaylar” bilan kelishuvga yaqin turibdi, har ikki klub ham transfer ustida ishlamoqda. Jarayon yaqin 48 soat ichida yakunlanishi kutilmoqda.

"Fiorentina" braziliyalik sportchini sotishdan 15 milliondan 17 million yevrogacha daromad olishi mumkin.

Eslatib o‘tamiz, "Brayton" o‘tgan mavsumda Angliya Premyer-ligasi turnir jadvalida oltinchi o‘rinni egallashga muvaffaq bo‘lgandi. "Fiorentina" esa o‘z navbatida Italiya chempionati jadvalida sakkizinchi o‘rinni egalladi.