Испания чемпионати 10-турида ўз уйларида "Сельта"ни қабул қилган "Барселона" клуби бош мураббийи Тито Виланова натижадан қониққанлигини маълум қилди.
Ўйинда майдон эгалари 3:1 ҳисобида ғалаба қозондилар.
"Биз ўйинни уч ҳимоячи билан бошлаган эдик, аммо ўйин давомида тўрт ҳимоячи билан ўйнашга мажбур бўлдик. Бунга сабаб меҳмонларнинг 4-3-2-1 тактик схемасида ўйнаганлиги бўлди. Биз миллий чемпионатда клуб тарихидаги энг яхши стартга эришдик ва шу йўсинда рекордлар ўрнатишда давом этмоқчимиз. Бизнинг натижаларимиз ўйинчиларнинг ғалабага бўлган иштиёқлари мевасидир. Давид Вильяни таъкидлашни истардим, у майдонда 90 дақиқа ўйнашга тайёр. Агар Давид мунтазам майдонга тушса, кўплаб голлар уриши мумкин. Адрианонинг жароҳат олгани жуда ачинарли бўлди. Тез орада Пике ва Пуйольнинг сафга қайтишини кутмоқдамиз", - дейди Виланова.