Аргентиналик ярим ҳимоячи Леандро Паредес ёзда клубини ўзгартиради. PSG COMMUNITY хабарига кўра, футболчи "ПСЖ"ни тарк этиб, Истанбулнинг "Галатасарой"ига ўтади.
Томонлар музокара олиб бориб, келишув шартларини келишиб олдилар. Туркия гранди ярим ҳимоячининг трансфери учун олти миллион евро тўлайди.
Леандро 2019 йилдан бери Париж жамоаси аъзоси ҳисобланади. Томонлар ўртасидаги меҳнат шартномаси 2023/2024 йилги мавсум якунида тугайди.
Паредес ўтган мавсумда "Ювентус"да ижара асосида ўйнаганди. У А Сериянинг 25 учрашувида майдонга тушиб, битта гол урган.
