"Манчестер Юнайтед" ҳимоячиси Гарри Магуайр жамоани тарк этишга тайёр. Бундай ўйлар футболчини янги мавсум учун сардорлик боғичидан маҳрум бўлганидан сўнг пайдо бўлди.
Куни кеча 30 ёшли футболчи энди жамоанинг сардори эмаслиги маълум бўлди. Магуайр ижтимоий тармоқда хафа бўлганини, лекин жанг қилишини айтди. Магуайр 2020 йилда "Манчестер Юнайтед" сардори этиб сайланган.
Sky Sports нашри хабарига кўра, Гарри Магуайр жамоани тарк этишга ва "Вест Хэм", "Челси" ва "Тоттенхем" таклифларини кўриб чиқишга тайёр. Ҳимоячининг "Манчестер Юнайтед" билан шартномаси 2025 йилгача мўлжалланган.