"Барселона" "Жирона" ярим ҳимоячиси Ориол Ромеу билан шартнома имзолади. Бу ҳақда журналист Фабрицио Романо хабар бермоқда.
Манбага кўра, ушбу келишув доирасида "Жирона" 20 ёшли ярим ҳимоячи Пабло Торрени ижарага олади, у янги жамоасида 2024 йилгача ҳаракат қилади.
Эслатиб ўтамиз, 31 ёшли Ромеу профессионал фаолиятини "Барселона"да бошлаган, у 2011 йилнинг ёзида "Челси"га ўтганди. Кейин испаниялик футболчи "Валенсия", "Штутгарт", "Саутгемптон" ва "Жирона"да ҳам ўйнади. Испания Ла Лигасининг сўнгги мавсумида ярим ҳимоячи 33 та ўйин ўтказиб, иккита гол урди.
