"Фиорентина" ярим ҳимоячи Артур Мело билан шартнома имзолаганини эълон қилмоқчи.
"Бинафшаранглар" 26 ёшли бразилиялик футболчини "Ювентус"дан ижарага олди. Шартнома 20 миллион еврога сотиб олиш имкониятини ўз ичига олади. Бу ҳақда нуфузли инсайдер Фабрицио Романо ижтимоий тармоқда гапирди.
Қайд этилишича, "Ювентус" Артурга ижара муддати давомида маошининг бир қисмини тўлаб беради.
Эслатиб ўтамиз, Артур 2022/2023 йилги мавсумни "Ливерпул"да ижара асосида ўтказган. Бироқ, бразилиялик Юрген Клопп жамоасида деярли ўйнамади.
“Фиорентина” 19 август куни А Сериянинг биринчи турида “Женоа”га қарши баҳс олиб боради.
