Қанот ярим ҳимоячиси Садио Мане ёзги трансфер ойнасида “Бавария”ни тарк этиши мумкин. Олдинроқ мюнхенликлар бош мураббийи Томас Тухель сенегаллик футболчи умидларни оқламаганини очиқ айтганди.
Журналист Флориан Плеттенбергнинг ёзишича, "Бавария" Маненинг нархини оширган. Мюнхенликлар 31 ёшли вингернинг трансферидан 32 миллион евро ва бонуслар ишлаб олмоқчи.
Қайд этилишича, Тухель Мане билан хайрлашмоқчи, гарчи футболчининг ўзи "Бавария"да қолишдан умидвор бўлса-да.
Мавсум давомида Садио Мане "Бавария"да 38 та расмий ўйин ўтказди. Уларда сенегаллик футболчи 12 та гол урди ва шерикларига 6 та голли узатма узатди.
