"Барселона" президенти Жоан Лапорта "Манчестер Сити" ярим ҳимоячиси Бернарду Силвага қизиқиши ҳақидаги саволга жавоб берди.

Миш-мишларга кўра, португалиялик Каталония клубининг молиявий қийинчиликларига қарамай, барибир "Барселона"га ўтиши мумкин. Лапорта "шаҳарликлар"нинг 28 ёшли юлдузига бўлган қизиқишини инкор этмади, унга шу мавзу ҳақида савол берилди: "Мен Бернарду Силвани "Барселона"га ўтказмоқчиманми? Ҳа, ҳозир мен буни хоҳлайман", - дея "кўк-анорранглилар" президентининг сўзларини келтиради Soc Blaugrana.

Transfermarkt хабарига кўра, Бернарду Силванинг трансфер нархи 80 миллион еврони ташкил қилади. Футболчининг "Манчестер Сити" билан шартномаси 2025 йилгача мўлжалланган.