Франциянинг "Марсель" клуби "Челси" ҳужумчиси Пьер-Эмерик Обамеянг билан шахсий шартнома шартларини келишиб олди. Бу ҳақда журналист Фабрицио Романо хабар берди.
Манбага кўра, клуб футболчи билан 2026 йилгача мўлжалланган шартнома борасида келишиб олган.
Қайд этилишича, "Марсель" "Челси" билан музокаралар олиб бормоқда ва келишувни тузишда ҳеч қандай муаммо бўлмаслиги кутилмоқда.
Обамеянг Францияда "Сент-Этьен", "Дижон", "Лилль" ва "Монако" клубларида ўйнаган. Шунингдек, у Дортмунднинг "Боруссия", "Арсенал" ва "Барселона" клубларида ҳам ўйнаган.
Ҳужумчи ўтган мавсумда "Челси" таркибида 22 та ўйинда майдонга тушиб, 3 та гол урди ва 1 та голли узатмани амалга оширди.
