Махачқалъанинг «Анжи» клуби яримҳимоячиси Одил Аҳмедов Россия чемпионатининг «Терек»ка қарши учрашувидан сўнг «Спорт-Экспресс» мухбири саволларига жавоб қайтарди. Аҳмедов бу ўйинда ҳали жисмонан тўлиқ тайёр эмаслиги бироз панд берганини алоҳида таъкидлаб ўтди.

«Шерикларим ҳаракат қилишди ва биз ўта қийин ва муҳим бўлган ғалабани қўлга киритдик. Ўйинга алоҳида руҳий тайёргарлик билан келгандик».

«Ўйинни бироз оғир ўтказдим. Худдики «ўйнай олмайман» деган тасаввур пайдо бўла бошлади. Ҳароҳатим ҳалал бергани йўқ. Шунчаки ўйинга жисмонан тўлиқ тайёр эмасдим».

«Бизга совриндорлар қаторидан жой олиш вазифаси қўйилган. Бунинг учун биз аввало ўз ўйинларимизни ютиб олишимиз керак. Иккинчи ўринни сақлаб қолиш ҳам осон бўлмайди. Совриндорлар сафида қолишга ҳаракат қиламиз», дейди Аҳмедов.