Лондоннинг "Челси" клуби матбуот хизмати 22 ёшли франциялик ҳимоячи Уэсли Фофана оғир жароҳат олганини, яъни тиззасининг олдинги хоч бўғимлари йиртилганини тасдиқлади.
Қайд этилишича, энди ҳимоячи узоқ реабилитация даврига эга бўлади, чунки бундай жароҳатлардан кейин тикланиш жуда узоқ давом этади.
Эслатиб ўтамиз, Фофана ўтган йили ўша пайтда АПЛда ўйнаган "Лестер"дан "Челси"га кўчиб ўтган эди. Франциялик футболчининг хариди “кўклар”га 80,4 миллион еврога тушди. Умуман олганда, ёш футболчи “Челси” сафида 20 та ўйинда майдонга тушиб, иккита гол урган.
