"Бавария"га янги келган Ким Мин Чже "Наполи"дан Мюнхен клубига ўтгани ҳақида фикр билдирди. 26 ёшли футболчининг шартномаси 2028 йилнинг ёзига қадар мўлжалланган.
"Бавария" - ҳар бир футболчининг орзуси. Мен Мюнхенда нима бўлишини интиқлик билан кутяпман. Бу мен учун янги бошланиш. Мен бу ерда ривожланишда давом этаман. Клуб билан бўлган суҳбатларда улар менга қанчалик қизиқиш билдиришаётгани бошиданоқ аён бўлди. Менинг биринчи мақсадим кўп ўйин ўтказиш. Қолаверса, имкон қадар кўпроқ соврин ютишни истайман", - дея футболчининг сўзларини келтиради Мюнхен матбуот хизмати.
Ким Мин Чже ўтган мавсумда барча мусобақаларда 45 та ўйинда майдонга тушиб, 2 та гол ва 2 та голли узатмага муаллифлик қилган.
