"Челси" бош мураббийи Маурисио Почеттино Ромелу Лукакунинг келажаги ҳақидаги саволга жавоб берди. Хабарингиз бор, миш-мишлар бельгиялик футболчини "Ювентус" билан фаол боғламоқда.
"Қарор ҳаммага мос келганда қабул қилинади. Футболчи ва клуб энг яхши ечим топишга ҳаракат қилмоқда. Биз вазиятга қараб ҳаракат қиламиз" - деди Почеттино матбуот анжуманида.
Ромелу Лукаку жамоа айни дамда АҚШда бўлган вақтда "Челси" базасида машғулот ўтказиши ҳақида аввалроқ хабар берилган эди.
Тransfermarkt портали 30 ёшли Ромелу Лукакуни 40 миллион еврога баҳоламоқда.
