Маркус Рэшфорд "Манчестер Юнайтед" билан шартномасини узайтиргани ҳақида фикр билдирди.

25 ёшли ҳужумчи билан 2028 йилгача мўлжалланган шартнома имзоланди.

"Мен "Манчестер Юнайтед"да ўйнашни етти ёшли болалигимда орзу қилганман. Ҳар сафар ушбу футболкани кийиш шарафига муяссар бўлганимда ҳам худди шу иштиёқ, ғурур ва муваффақиятга эришишга бўлган қатъият мени олдинга чорлашда давом этмоқда.

Бу ақл бовар қилмайдиган клубда мен аллақачон ажойиб тажрибаларни бошдан кечирганман, лекин ҳали эришилиши керак бўлган кўп нарса бор ва мен келгуси йилларда кўпроқ совринлар ютиш ниятидаман.

Умрим давомида “Юнайтед” мухлиси бўлганим учун “МЮ” вакили бўлиш масъулиятини биламан ва бошқалар қатори мен ҳам паст-баландлардан ўтаман.

Сизни ишонтириб айтаманки, мен жамоага биз қодир бўлган даражага эришиш учун ҳамма нарсани қиламан ва кийиниш хонасида ҳам худди шундай қатъиятни ҳис қиляпман. Мен ушбу мураббий қўл остидаги келажак ҳақида жуда хурсандман”, - деди Рэшфорд.