Markus Reshford "Manchester Yunayted" bilan shartnomasini uzaytirgani haqida fikr bildirdi.

25 yoshli hujumchi bilan 2028 yilgacha mo‘ljallangan shartnoma imzolandi.

"Men "Manchester Yunayted"da o‘ynashni yetti yoshli bolaligimda orzu qilganman. Har safar ushbu futbolkani kiyish sharafiga muyassar bo‘lganimda ham xuddi shu ishtiyoq, g‘urur va muvaffaqiyatga erishishga bo‘lgan qat’iyat meni oldinga chorlashda davom etmoqda.

Bu aql bovar qilmaydigan klubda men allaqachon ajoyib tajribalarni boshdan kechirganman, lekin hali erishilishi kerak bo‘lgan ko‘p narsa bor va men kelgusi yillarda ko‘proq sovrinlar yutish niyatidaman.

Umrim davomida “Yunayted” muxlisi bo‘lganim uchun “MYU” vakili bo‘lish mas’uliyatini bilaman va boshqalar qatori men ham past-balandlardan o‘taman.

Sizni ishontirib aytamanki, men jamoaga biz qodir bo‘lgan darajaga erishish uchun hamma narsani qilaman va kiyinish xonasida ham xuddi shunday qat’iyatni his qilyapman. Men ushbu murabbiy qo‘l ostidagi kelajak haqida juda xursandman”, - dedi Reshford.