“Манчестер Сити” ҳимоячиси Кайл Уокерга ҳамон “Бавария” ва “Ювентус” клублари қизиқиш билдирмоқда.
Охирги миш-мишларга кўра, "Бавария" футболчининг ўзи билан келишиб олган, аммо "Манчестер Сити"нинг розилигини ҳали олмаган.
Журналист Жеймс Дакернинг янгиланган маълумотларига кўра, вазият ноаниқлигича қолмоқда: "Бавария" ҳамон 33 ёшли англияликни ўз сафига қўшиб олишни кутмоқда, "Ювентус" ҳам бу қизиқишни сақлаб қолган, аммо "шаҳарликлар" футболчини қўйиб юборишни исташмаяпти.
Эслатиб ўтамиз, Кайл Уокер "Манчестер Сити" билан Япониядаги мавсумолди йиғинига боради. Унинг клуб билан шартномаси кейинги ёзда якунига етади.
