Мадриднинг “Реал” клуби ҳужумчиси Хоселу жамоага қайтиши ҳақида журналистларга гапирди.
"Қаймоқранглилар" 33 ёшли футболчини "Эспаньол"дан келаётган мавсум охиригача ижарага олди. Эслатиб ўтамиз, Хоселу аввалроқ 2009-2012 йилларда “Реал”да ўйнаган.
“Мен бу ерда яна пайдо бўлганлигимдан жуда хурсандман. Мен тезда мослашаман ва бу қийинчиликдан завқланмоқчиман.
Фаолиятимнинг бошида "Реал Мадрид"да дебют ўтказиш орқали орзуимни амалга оширганман, энди мен бутунлай бошқа футболчиман, орқамда катта тажриба бор. "Реал Мадрид" ҳар доим ҳаётимдаги қадрли клуб бўлиб қолган", - дея ҳужумчининг сўзларини келтиради Madrid Xtra.
