Бугун аёллар ўртасидаги жаҳон чемпионати старт олади. Хабарларга кўра, очилиш маросими олдидан Янги Зеландиянинг Окленд шаҳрида катта отишма содир бўлган.

Бунинг натижасида боғ яқинидаги инсонлар орасидан иккитаси ҳалок бўлиб, олтитаси яраланди. ФИФА воқеадан кейин баёнот бериб, Окленднинг "Eden Park" стадионида бўлиб ўтадиган очилиш маросими ҳамда Янги Зеландия ва Норвегия ўртасидаги баҳс режадаги каби ўтказилишини маълум қилди.

Айни дамда Окленд шаҳрининг айрим мавзеларида фавқулотда ҳолат эълон қилинган. Полиция назорати кучайтирилиб, футболчилар яшайдиган меҳмонхоналар ва махсус автобуслар қўриқлана бошлаган.