Аргентинанинг «Ньюллз Олд Бойз» клуби яқиндагина дунёга келган Лионель Мессининг ўғли Тьяго Мессини ўз аъзолари сафига 2888152 рақами остида қўшиб олди. Чақалоқнинг отаси футболдаги биринчи қадамларини айнан шу клуб сафида қўйганди.
Ўн мингдан ортиқ мухлислар бу янги аъзони қўшиб олиш борасида янгиликни жамоанинг уй стадионигача бўлган ҳудудда нишонлашди. Улар «Дунёга... МОХОВ ДУНЁГА хуш келибсан, Тьяго Месси» деб ёзилган баннерларни кўтариб чиқишди.
Росарио шаҳри клуби фанатлари ўз жамоларини айнан шундай яъни «моховлар» деб аташгани боис ҳам бу ёзувларни кўтариб чиқишган. Уларнинг асосий рақиби бўлган ҳамшаҳарлари жамоаси «Росарио Сентрал»ни эса улар «аблаҳлар» деб аташади.