“Милан” “Вильярреал” ҳужумчиси Арно Данджума хизматидан бош тортди, бироқ айни пайтда “сариқ сувости кемаси”нинг бошқа ҳужумкор футболчисига эътибор қаратди. Diario AS нашри хабарига кўра, "россонерилар" энди қанот ҳужумчиси Самуэль Чуквуезени сотиб олмоқчи.
Эслатиб ўтамиз, аввалроқ “Вильярреал” Данджума ижараси учун товон пули сифатида 4 миллион евро талаб қилганди. Бу талабларни Англиянинг "Эвертон" жамоаси бажаришга тайёр, аммо "Милан" эмас.
Чуквуезе аввал "Реал Мадрид"нинг нишонида бўлган, аммо нигериялик вингерни сотиб олиш ҳозирда "Қироллик клуби"нинг режаларидан чқарилган.
