"Интер Майами"да жамоа сардори тайинлови бўлиб ўтди. Журналист Гастон Эдулнинг ёзишича, сардорлик боғичи шу йилнинг ёзида жамоага келиб қўшилган 36 ёшли аргентиналик ҳужумчи Лионель Мессига ишониб топширилган.
Жаҳон чемпиони 2022/2023 йилги мавсум якунида эркин агент сифатида Флорида штати жамоасига келиб қўшилди. Томонлар 2025 йилгача мўлжалланган шартнома туздилар. "Интер Майами"да Месси 10-рақамда ҳаракат қилади.
Лионель 21 июль куни "Круз Азул"га қарши янги жамоадаги дебют учрашувини ўтказиши кутилмоқда.
Ҳужумчи АҚШга кўчиб ўтгунга қадар Франциянинг “ПСЖ” клубида икки йил ўйнади.
