"Ливерпуль" Саудия Арабистонига ўтиш арафасида турган ярим ҳимоячиси Фабиньо Энрикенинг ўрнига кимни танлашга қарор қилди.

Sky Sport Italia нашри хабарига кўра, "мерсисайдликлар" "ПСЖ" ярим ҳимоячиси Марко Верраттига кўз тикмоқда.

Италиялик футболчи ушбу трансфер ойнасида жамоасини тарк этиши мумкин, "Ливерпуль" эса бир қанча ярим ҳимоячилар билан хайрлашганидан кейин янги ярим ҳимоячи қидирмоқда. "ПСЖ" ўз ярим ҳимоячисини қанчалик қадрлаши ҳозирча номаълум.

Верратти аввалроқ "Атлетико"нинг нишонида бўлган, аммо италиялик футболчини трансфер қилиш бўйича келишув олдинга силжимаган. Марконинг "ПСЖ" билан шартномаси 2026 йилнинг июнига қадар тузилган.