"Ньюкасл" вингери Аллан Сен-Максимен "Ал-Аҳли"га ўтишни якунлаш арафасида. Франциянинг L'Equipe нашри хабарига кўра, футболчи эртага янги жамоасида тиббий кўрикдан ўтиши керак.
Эслатиб ўтамиз, Сен-Максименнинг Саудия Арабистонига трансфери 25 миллион еврога баҳоланмоқда. Янги жамоада Аллан Эдуард Менди, Риёд Махрез, Роберто Фирмино ва Риёд Будебуз каби футболчилар билан бирга ўйнайди. Рўйхатдаги барча футболчилар аввалроқ "Ал-Аҳли"га кўчиб ўтишган.
Сен-Максимен ўтган мавсумда Премьер-лигада битта гол ва бешта голли узатмани амалга оширди. Франциялик футболчи “Ницца”дан кўчиб ўтганидан кейин 4 йил туманли Альбионда ўйнади.