"Манчестер Сити" дарвозабони Жеймс Траффорд "Бёрнли"га ўтди.
Жамоа 20 ёшли футболчи билан шартнома имзолаганини эълон қилди. У билан тузилган шартнома 4 йилга мўлжалланган.
Олдинроқ "Бёрнли" футболчи учун 19 миллион фунт тўлаши, шундан 4 миллиони бонус қисми эканлиги хабар қилинганди.
Траффорд ҳали ҳеч қачон Премьер-лигада ўйнамаган ва сўнгги икки мавсумни "Болтон"да ўтказган. Июль ойида у 21 ёшгача бўлган Англия терма жамоаси билан УЕФА Евро-2023 (U21) ғолибига айланди.