"Бавария" ҳужумчиси Садио Мане Саудия Арабистони чемпионатида ўйнашни давом эттиришга тайёр.
Мюнхен клуби сенегаллик футболчини сотишга тайёр, чунки бош мураббий Томас Тухель футболчига кўп ишонмайди.
"Ан-Наср" 31 ёшли ҳужумчи билан шартнома имзолашдан манфаатдор. L'Equipe нашри хабарига кўра, у билан ҳамкорлик шартларини келишиб олган. Саудия клуби ўз футболчиси учун 30 миллион евродан кўпроқ сўраётган "Бавария"ни ишонтириши керак.
Садио Мане ўтган мавсумда "Бавария" сафида барча турнирлар доирасида 38 та ўйинда майдонга тушиб, 12 та гол ва 6 та голли узатмага муаллифлик қилган.
