"Реал Мадрид" бош мураббийи Карло Анчелотти жамоага янги келган Арда Гюлернинг ўйини ҳақида ўз фикрлари билан ўртоқлашди.
Туркиянинг “Фенербахче” клубидан кўчиб ўтган 18 ёшли ҳужумкор ярим ҳимоячи мавсумолди машғулотлари бошида “қаймоқранглилар” устозини ҳайратда қолдирди.
“Гюлер жуда кўп ажойиб фазилатларга эга. Ўйлайманки, бу "Реал Мадрид" мухлисларига ёқади", - деди Анчелотти Madrid Zone билан суҳбатда.
Арда Гюлер "Реал" билан 2029 йилнинг ўрталарига қадар шартнома имзолади. "Фенербахче" турк футболининг ўсиб бораётган юлдузини сотишдан, эҳтимолий бонусларни ҳисобга олмаган ҳолда, тахминан 20 миллион евро ишлаб олди.
