"Арсенал" ҳужумчиси Фоларин Балогун "Интер"нинг асосий трансфер мақсади ҳисобланади.
"Нерадзуррилар" ҳозирча "канонирлар"нинг 22 ёшли футболчига қўйган талабларини қондира олишмади, бироқ шартнома устида ишлаш давом этмоқда. Журналист Альфредо Педулланинг фикрича, "Интер" Балогунни форвард позицияси учун идеал вариант деб ҳисоблайди. "Арсенал" америкалик учун бонусларни ҳисобга олган ҳолда 40 миллион евродан кўпроқ сўрамоқда, "Интер" эса инглиз клубини нархни пасайтиришга кўндирмоқчи.
Фоларин Балогун Франция 1-лигасининг сўнгги мавсумида “Реймс” сафида ижара асосида ўйнаган 37 ўйинда 21 та гол урди.