"Arsenal" hujumchisi Folarin Balogun "Inter"ning asosiy transfer maqsadi hisoblanadi.

"Neradzurrilar" hozircha "kanonirlar"ning 22 yoshli futbolchiga qo‘ygan talablarini qondira olishmadi, biroq shartnoma ustida ishlash davom etmoqda. Jurnalist Alfredo Pedullaning fikricha, "Inter" Balogunni forvard pozisiyasi uchun ideal variant deb hisoblaydi. "Arsenal" amerikalik uchun bonuslarni hisobga olgan holda 40 million yevrodan ko‘proq so‘ramoqda, "Inter" esa ingliz klubini narxni pasaytirishga ko‘ndirmoqchi.

Folarin Balogun Fransiya 1-ligasining so‘nggi mavsumida “Reyms” safida ijara asosida o‘ynagan 37 o‘yinda 21 ta gol urdi.