Ҳаммаси қанот ҳужумчиси Садио Мане фаолиятини Саудия Арабистонида давом эттиришига қараб кетмоқда. Нуфузли инсайдер Фабрицио Романонинг ижтимоий тармоқларда хабар беришича, 31 ёшли сенегаллик футболчи “Бавария”да қолишни хоҳлаган, аммо Мюнхен клуби футболчидан қутулишга қарор қилган ва бунга ечим топишга ҳаракат қилмоқда.

"Ан-Наср" Маненинг трансфери устида ишламоқда ва футболчи бу вариантни жиддий кўриб чиқмоқда. Яқин орада сенегаллик Саудия клуби билан шахсий шартнома шартлари бўйича музокара олиб боради.

Эслатиб ўтамиз, июль ойи ўрталарида "Бавария" бошқарувчиси Томас Тухель "Ливерпуль"дан трансфер қилинганидан кейин Садио Мане умидларни оқламаганини очиқчасига айтган эди.

Transfermarkt Манени 25 миллион еврога баҳоламоқда.